شوفوا لي حل يا اهل الطبخ ! انا حزين !

[سلمان]

يا جماعه انا رجال سويت المستحيل من اجل اني اقدر اطبخ كبسه يتحدث عنها العربان لكن باءت كل محاولاتي بالفشل ... والغريبه اني احاول اطبق طريقه اعداد الكبسه خطوه بخطوه لكن بالاخير تطلع الكبسه ( الله لا يوريكم) ووصل الامر ان الاخوان والزملاء صاروا يضربون المثل بكبساتي ويقولون ( امس رحنا الى مطعم والله ينعم به طعم وريحه الكبسه ما تنطاق كأنه كبسه من كبسات سلمان ) ... ومع ذلك ما يأست واشتريت كتاب ابله نظيره وطبقت التوصيات لكن حدث لي موقف خلاني ارمي الكتاب وانطوي على نفسي واحلف اني ما عاد ادخل المطبخ ولا اطبخ حبه رز واحده ..اللي حصل هو الاتي :-

كنت وانا بعض الربع في البر وكانت ايام ربيع ومطر والاجواء سحر في سحر فقلت للاصدقاء :-

هاه وش رأيكم مع هالبريه الحلوه وهالاجواء الرائعه اضبط لكم كبسه تحبها قلوبكم ؟

هي ثواني بس واذا كل واحد منهم يناظرني بنظره يقطر منها الشرر ورد على واحد من الربع وهو اكثر واحد يحبني وقال :-

ليه يا سلمان تبينا هااليوم ندفنك في البر ؟