خواطرحزينة

[طيرحوران]

خواطرحزينة
..................
بعيادت الدكتور والناس جلاس
شفت الحزينة تناظر فالعيادة
عذراتثير بحزنها كل حساس
ودنيت منها اريد الأفـــــادة
ولقيتها مابين هم وهوجاس
قلت اسمحي لي بالكلام بركادة
مدام كون الناس لناس نوماس
وش ساير لك ياظبي الحمادة
قالت وربي مني البال منحاس
ومن زوجوهابغصب لاوهجادة
بينت أنا للوالد الوضع من ساس
وقلت الغصب ماهوللجوادعادة
يابوي أبن عمي على العين والرأس
لاشك مالي فيه يابوي رادة
جمسه وصالونه مع التاج والماس
وكثرة فلوسه ماتجيب السعادة
يابوي قلبي حب من لامشى داس
فوق الضمير ويستحق القيادة
زين الشباب ولامشى درب الانجاس
شوفه مناي ويستحق الاشادة
حب الشرف مافيه عيب ولاباس
وللي زرع واثمر يباشرحصاده
عيشة فقرصاحبي عطرالأنفاس
في بيت مافيه غير قطعة وسادة
ولاعيش مع شخص معدوم الأحساس
لوكنت في قصرمن الماس شاده
ياناس تكفون أفزعواشفت الأتعاس
ياناس مجبوره ولالي جـــــــلادة
أخاف أموت من القهر واشرب الكأس
وأخلى الطماع يعلن حـــــداده
قلت الأمل موجود وشهواله الياس
والله رحوم ولايضيع عــــباده
ياعل من باع العذاري للافلاس
وعساه مايفرح بنطق الشهادة
.................................................. .....................

[غزال المشاش]

طير حووران .. من جد اهنيئك على هالذوق بالاختيار

عيشة فقرصاحبي عطرالأنفاس
في بيت مافيه غير قطعة وسادة
ولاعيش مع شخص معدوم الأحساس
لوكنت في قصرمن الماس شاده

أبيااااااات رائعة ومعبرة


عوووافي

[الدخيني]

صح لسااااانك طيرحوران

[القناص]

قصيده جزله طير حوران حرام عليك تبكي مسكينه