شفاك الله يا رونالدوا المشاش ....

[سهم أخضر]

الحمد لله رب العالمين والصلاة والسلام على أشرف الانبياء والمرسلين ..

أمــــــــــــــا بـــــعـــــــــــد ..

فالسلام عليكم ورحمة الله وبركاته ...

ناصر عبد العزيز الهزاع .. أسم سطع نجمه في سماء الكرة المشاشية .. أبدع وصال وجال في الملاعب الترابية .. كم تشرفة الملاعب بحظوره .. وكم تمزقة البيبان بأهدافه .. أبد فأمتع .. ولكن شاء الله أن يتعرض لإصابه موجعه .. إصابة شاء الله أن تحرمنا من مشاهدته .. تعرض لتمزق في ركبته اليمنى .. متى سيعود ؟؟ وهل سيكون شفائه إن شاء الله قريب ؟؟؟

[ديرتي المشاش]

الله يشفيه ويرده إلى الملاعب بالسلامة

[مشاشي حظه ماشي]

الله يشفي ولد خالي بس هذي سالفه قديمه

[المميز]

الله يشفيه
ويستر على باقي لاعبي المشاش ,,,,,

[سهم أخضر]

مشكووورين ... بس ياليت ناصر يطمنا على إصابته

[أبو عبدالرحمن]

الله يستر
ونقول لناصر سلامات وانا معلمه لكن مايفهم

ثانيا يا سهم أخضر كيف تمزق في الركبه ؟

هل تقصد ارتخاء او قطع في الركبة..!!؟

بس اعجبتني جملة

(وكم تمزقة البيبان بأهدافه )

ونقول الله يشفيه ويرجعه إن شاء الله

[هموووم البعد]

احوووووووووووووول

والله ذا الكورة حالة محد سالم منهى

اجل مايحصل له يشارك معنى بمنتدى الرياضة والرياضيون ؟؟؟

كانه بيلعب علموني ما أشترك عشان مايمزعني مانقصت >>>ذابحتها النعومة

مايشوف شر الله يقومه بالسلامة
ويعود الى الملاعب المشاشية سالما معافا

وصل له سلامنااااااا

نرجومنك يا اخي سهم موافاتنا بآخر اخباره

[قصي 100]

الله يقومه بالسلامة ويكمل على بيبان المشاش تمزيق وتصبيخ

قولو له يترفق ويخلي الطفاقه

صحته أولى

[تيمون]

ما تشوف شر يا نصورررر

[raiyan]

اله يشفيه آمين يرجعه لاهدافه

[القناص]

ابشركم مافيه إلا العافيه وعنده سفر ان شاء الله في الاجازه الى فرنسا لإجراء عمليه عند
البرفسور المشهور في إصابات الملاعب
وسوف تشاهدونه في الدوري الانكليزي حين انطلاقته
ملاحضه00000000علاجه على حساب 000رونالدو0000

[شعلاني]

الله
يــــشـــفـــيــه

ومــــايـــســـتـاهل نـــاصـــر

((وأقـــولـــه طــــهـــورا إن شاء الله))

[ناصر]

ياحبيلك والله ياسهم اخضر انا ماحبيت الكوره الا يوم صرت تلعب بعدين احوالي يالي تسأل عن احوال انا اعتزل الكره إلى الابد ::00z5: : لاني لعبت مرتين وجتني الاصابه نفسها يعني كنها تقول لا تلعب لكن مشالله الحين معاد تحتاجون لي انا ولعبي جاكم جيل جديد يلعبون احسن مني وانت يا سهم من ضمنهم مشالله- وفيك الخير والبركه وإلى الامام واما بالنسبه لخليفتي فالملاعب فهو ريان لانه مشالله عليه هو الوحيد الي اقول بيكون له باع قوي فالملاعب الله لا يضره اما بالنسبه لي بحولها لشطرنج لعبتي المفظله وشكرن على تفاعلكم السراحه احرجتوني يعطيكم العافيه واشكركم على هالكلام والتفاعل وفيصل انا بيني وبينك كلام عن الدكتور الي قلتلي عنه بروح لمه اشوف وش بيقول

[قلب المشاش]

شد حيلك يا ابو هزاع وارفع راس بني خالد
اصابك سببها الطفاقة وعدم التسخين لا اقل ولا اكثر
:086A:

[سهم أخضر]

الله يسلمك يا ناصر وألف شكر لكل الي شاركوا .. ناصر خل عنك الخرابيط .. وإن شاء الله منتب معتزل .. وإن شاء الله تبي تطيب ونشوفك مثل الفرس وتكمل تمزيق البيبان ... وشكرا يا فيصل على كلامك الحلو ولكل واحد مر .......

[المشاشي]

أنا أقول وش بلى الرجال يقعد ورا الباب في الديرة يتفرج
ولا يلعب وكنت أتوقع أنه توه قايم ولا فيه شدة للعب

لكن أهلاً وسهلاً بك في عالم الركب

[ابوقاسم]

الله يشفيه

[ناصر]

المشاشي هذا بدال ماتعزمني على مفطح تعزمني في عالم الركب ؟ الله يسامحك بس
توني اقراها شكل الرد متاخر اعذروني شوي ترا ماقريتها الا اليوم
وابو قاسم ايه ادعلي ياكبتن

[واقعي]

الله يشفيه
ويستر على باقي لاعبي المشاش ,,,,,



الله يشفيه ان شاء الله بس ردك هذا يخليني احط
الف علامة تعجب...؟؟


يالله وهذي اول دفعة:
!!!!!!!!!!
!!!!!!!!!!
!!!!!!!!!!
!!!!!!!!!!
!!!!!!!!!!
!!!!!!!!!!

[اجا وسلمى]

الله يشفيه ويجمع له بين الأجر والعافية...آمين