اللغز رقم 4 ... فقهي ...؟؟؟

[عبدالله التميمي]

اللغز :

وهو منقول

(( ماذا تقول في مسألة عجيبة وهي : ان زيداً يكون عماً لعمرو وخالاً له في الوقت نفسه ))

وش لون تجي زيد عم وخال عمرو في نفس الوقت ؟؟

عم وخال جميع . وش لووون ؟؟؟؟


* غيرت وقت عرض اللغز عشان تعم الفائدة الجميع وتكون فرص المشاركة متاحة

وواحد في بالي ... ذكي عسى ربي يحفظه ويستر عليه ... ههههه

[وردة حمراء]

يكون زيد عم عمرو بالاصل ..

و زيد رضع من جدة عمرو ( ام امه ) فصار خال له ؟؟

[عبدالله التميمي]

(( وردة حمراء ))

الاجابة ما فيها رضاع ، لكن والله العظيم ذكية 100% واجابة لو فيه رضاع صحيحة

لكن الاجابة لا رضاعة فيها ... مع كل الشكر والتقدير لك وتفاعلك الجميل ،


وبعدين وصلت جائزتك والا لا . ارسلت برسالة خاصة ...

هذا السؤال فيه جائزة

[ناصر]

الصدق انا اعرف الجواب من زمان يعني منيب حارق اللغز والجائزه يا عبدالله

[عبدالله التميمي]

جاوب يا ناصر فالسؤال للجميع ، بس والله انا دخت من الجواب .

[ناصر]

بحكم انك انقلب راسك ابمثل لك بجدي عبدالله وجدي ناصر

جدي ناصر ابو ابوي وحرمته امي حصه


وجدي عبدالله ابو امي وحرمنه امي منيره


أبوي عبد الله خذ ثنتين منيرة وجاااااااب امي فوزيه
وأمي حصه تزوجت مرتين مره بجدي ناصر ومره ببن مسعد خخخخخخخ وجابو ابوي

وخذ ابوي عبدالله أمي حصه الله يرحمها جااااااااااااهم ولد وش يصير لي ؟؟؟؟؟؟؟؟؟؟؟؟



مانويت احله بس وش اسوي بك <<<ظام انه صح كانه صح الجائزه دعوه ثالثه وكانه خطأ فهي ميب اول مره

[عبدالله التميمي]

هههههههههههههههههههه

والله مت من الضحك قريت جوابك اكثر من مرة والله عجزت افهم ....

اللي بيضحك على ناصر وهو منقلب راسه يقراء الجواب اللي فوق

واللي فهم شيئ يعلمني هههههههههههه

معليش حله في زيد وعمرو الله يخليك .... حتى بالورقه والقلم دوختني .

وابشر بالدعوة وابدعي لك دعوة بطولك ... ان كانك طويل طولت وان كانك قصير طولت بعد

[ناصر]

جدي 1 ابو ابوي



جدي 2 ابو امي




جدتي ام ابوي 3



جدتي ام امي 4


جدي ابو امي فجأه كذا تزوج جدتي اللي ماله دخل فيها وهي ام ابوي كذا فجأه زين

وجابو ولد وش يصير ؟

[عبدالله التميمي]

ههههههههههههههههههههههه

شف ياناصر انا اعرف في زيد وعمرو ، وان كانك ملزم اصبر شوي ويجي الشيهان او ابو عبد العزيز

ويعلمنا وش قلت ... ياخي قسماً بالله عجزت استوعب جوابك خل اتغداء وارجع لك .

واتوب ما اجيب الغاز زي كذا ...

[ناصر]

هههههههههههههههههههههههههههههههههههههههههههههههههه هههههههه


طيب على هونك بس حط جدتك ام امك في بالك وحط ابو ابوك في بالك وتزوجو وجابو ولد يصير عمك لانه ولد جدك وخالك لانه ولد جدتك حط مثال وتفهم .



<<<<<<قاعد له .

[غزال المشاش]

الجواب


زيد له أخت من أمه فقط وله أخ من أبيه فقط فتزوج أخوه من أبيه أخته من أمه فولدت عمرواً فيكون زيد خاله لأنه أخ لأمه ويكون عماً له لأنه أخ لأبيه.


وين الهديه :)؟

[الشيهان]

ابو عابد الحل بسيط جدا /
زيد له أخت من أمه فقط وله أخ من أبيه فقط فتزوج أخوه من أبيه أخته من أمه فولدت عمرواً فيكون زيد خاله لأنه أخ لأمه ويكون عماً له لأنه أخ لأبيه.

وجواب غزال المشاش /صحيح ميه في الميه . ويستاهل الهديه .

اما جواب ناصر مانقول فيه خطأ ان شاء الله انه صح بس يبيله قعده ودله ومطبق خضري ويمكن علشان نمخمخ عليه ونقعد الدماغ .. ترى جواب ناصر صح يابو عابد لاتكسرون بخاطره .

[مشمشة]

الله يخلي قوقل
على قولة ابو عبدالعزيز نسخ ولصق هههههههههههههه

[fofo]

بعد ماقلب ناصر روسنا
نقول يمكن زيد يكون عم عمرو .....وزيد تزوج بنت عمرو وكذا صار عمه وخالة ....

[ملك المشاش]

ماشاء الله علىك ياغزوله

واضح انه صح

مبروك الهديه

[عبدالله التميمي]

الشكر للجميع

بس صراحة الجواب الصحيح ل(( غزال المشاش )) جاوبت زي الجواب اللي عندي ....

مبروك مبروك مبروك ياغزال

وانت ياناصر حسبنا الله على الظالم ... تغديت وانا دايخ من جوابك وشهادت الشيهان لك

تكفيني وجوابك صحيح بذمت الشيهان وهديتك جتك في صلاة العصر (( دعوة لك خاصة ))

وانت ياغزال بتجيك رسالة خاصة فيها بطاقة شحن جوال تحت اشراف مديرنا الساعة 12 ليلاً

الف الف مبروك

[غزال المشاش]

مشمشه

ليه الحقران ياوخيه كع كع ههههههههههههههههه

اليوم ماخذين المسئله باصول الفقه حتى مع الوهقه نادى الدكتور اسمي

قال بنت فلان تعالي حليها

قلت اويلاوووه صح خبطت اشوي بس بالاخير جبتها وخذت الدرجه

وقوقل خذت منه الجواب نص فص :spying2:

ملك . الله يبارك فيك

الشيهان ..الله يبارك فيك

التميمي .. مشكور والله يبارك فيك

[وردة حمراء]

اهااااا صار الحل هيك ..هههههه والله ما طرى ببالي ..

ويعطيك الف عاافيه ياعبد الله .. والرقم الخاص بالبطاقه للشحن وصلني ..

الله يغنيك ويكثر خيرك .. لكن انا في غاااية الاحراج ..

ولو كنت عارفه بأن فيه جائزه للغز هذا كان ما شاركت .. الحمد لله انها صارت غلط ..

مااحب اكلف على احد .. نمشي بالمشاركات وبس .. وش رايكم ؟؟ صح ولا لا ؟؟ والله ما قلت الكلام الا لأني متفشششششله ..

اكرر شكري لك .. ودمت موفق ..

[عبدالله التميمي]

وردة حمراء

كل الشكر لك وانت ما اخذت الا حق لك ، والجائزة هي حافز وليست هدف وتم الاعلان عن جوائز

متعدده في اللغز الخامس والهدف هو دفع الجميع للمشاركة .

وانا الرابح عند كثرة المشاركين وليس من حصل على الجائزة .. فالهدف الوصول الى الجنة .

كل الشكر على ما ذكرتي والفضل يعود بعد الله لمديرنا الحبيب ابو عبدالعزيز ...

[ناصر]

ابو عابد الحل بسيط جدا /
زيد له أخت من أمه فقط وله أخ من أبيه فقط فتزوج أخوه من أبيه أخته من أمه فولدت عمرواً فيكون زيد خاله لأنه أخ لأمه ويكون عماً له لأنه أخ لأبيه.

وجواب غزال المشاش /صحيح ميه في الميه . ويستاهل الهديه .

اما جواب ناصر مانقول فيه خطأ ان شاء الله انه صح بس يبيله قعده ودله ومطبق خضري ويمكن علشان نمخمخ عليه ونقعد الدماغ .. ترى جواب ناصر صح يابو عابد لاتكسرون بخاطره .

<<<<<<<مكسور خاطره مره يالشيهان شفت عاد


ههههههههههههههههههههههه اجل قلبت روسكم

بس بالعكس حلي اسهل من باقي الحلول بس عبد الله الا بيخليني غلط شكله مايبي يدعيلي .


امزح ويعطيك العافيه على الدعوه انا امس حاس ان فيه شي زين بس مدري وش هو يمكن دعوتك .
يعطيك العافيه .

[غزال المشاش]

اللحيين من قال فيه هديه!!

متوووقعه زياده مشاركاات بس

وش له ياعبدالله وانا اختك كلفت ع حاااالك ,,

مشكور وربي يعيطك الف عااافيه ,,, والرقم الخاص بالشحن وصلني

بس وراك كلفت ع حالك ,, لو ادري ان فيه جائزة كان ماجاوبت >>> تحسب لهديه مشاركات تزييد


تسان دعيت يكفيني وزياده بعد :)