الـدخـول مجانـي للجميع ... بس بدون جوالات الكميرا ///

[الشيهان]

انواع الاطفال تعالو قولولي طفولتكم . للجنسين .



الطفل البريء :
في المنزل تجده حبوووب وطبيعي 100 %


لكن مع دخوله المدرسة .. ** تنمحي ** شخصيته ..


فتكثر الاصابات في وجهه .. لأنه مايدافع عن نفسه ..



الطفل العنيد: :



يطبق نظام البيت بالعناد .. يسوي اللي براسه ..


مايخاف من الأب أو الأم .. لو قلت له هذا خطر لاتقربه .. عناد فيك يسويه ..


يُــضرب كثيراً في طفولته .. ومع ذلك عنيد مايغير رايه ..



الطفل الحنّـان0:

يستخدم وسيلة الحنة لتلبية رغباته


له نغمه خاصه في المنزل ..


تلبى رغباته كـُرهاً .. يعانون اهله من الصداع المستمر ..



الطفل المادي:

هذا الطفل مايرد السلام الا ** بفلوس ** ..(سلمنتي)


تعامله مع اهل المنزل .. مادي بحت ..


يستخدمونه لتوصيل طلبات المنزل .. ونقل السوالف.. وكل شي بحسابه ..



الطفل الفتّــان ::


تجد عند هذا النوع جميع اخبار المنزل ..


يجد المتعه في اذلال غيره بالفتنه عليه .. ماله خاتمه ..


هذا الطفل حتى لو شريت سكوته بفلوس ..


توقع تلقى اخبارك ثاني يوم في الصفحه الرئيسية .. في الجريدة الرسمية ..



الطفل الدلوع::



هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..


تلبى رغباته قبل ليطلبها .. شخصيته اتكاليه جداً ..



الطفل العله:



يزعجك بأسئلته الي ماتنتهي .. يستفسر من كل شي .. حتى لو عطست ..


قالك شلون عطست .. وليش عطست .. وشلون تكونت العطسه ..


يحرجك احياناً .. ويمكن دائماً بأسئلته .. مره تجاوب عليه ومره تسفهه ..


واكثر الاوقات ماتلقى اجابه لاسئلته .. لانك في الحقيقه تجهلها ..



الطفل الداج:


هذا الطفل مستحيل يجلس في المنزل ..



يعيش في الشارع اكثر من بيته .. خبره ودليل في كل ممر وطريق ..



يعرف طول الشارع بالسنتيمتر .. من الممكن ان يصبح اذا كبر مهندس طرق ..



الطفل الملسون :


يستانسون اهله على سوالفه .. فصيح جداً ..


ويلقط العبارات والمفردات بسرعة مذهله ..


يسبب احراج دائم لأهله .. من الممكن ان يقول كلمة بالغلط للضيوف او الاقارب ..


يتميز احياناً بقلة الذووق والوقاحة اذا انفعل ..


لاينصح بأستفزازه ابداً ..



الطفل اللزقه ::


تلقاه مسنتر عند باب البيت .. محد يطلع الا وهو لازق معاه ..


حتى الضيوف من الممكن تلقاه يلزق فيهم ويطلع معاهم ..


يـُـضرب كثيراً .. وخاصه من اخوانه اللي اكبر منه .. او خواته ..


لانه عباره عن رادار على طلعاتهم ..


احياناً يضطرون يطلعون من نافذة المنزل للهروب منه ..


ولكن للأسف يجدونه بانتظارهم في السيارة ..ويسألهم ليش تأخرتوا عليّ ..



الطفل الهادي::


هذا الطفل ماله صوت ابد .. وين ماتحطه تلقاه ..


احياناً يهملونه اهله .. لانهم ناسينه ..


واحياناً يلقى اهتمام زائد من اهله ..


لو يموت من الجوع ماتكلم ..


في كثير من الاحيان تلقى اهله ناسينه بالسوق او عند الاقارب اثناء الزيارات ..



الطفل القوي:


اهله دائماً في احراج و مشاكل مع الناس ..


هرمون الاجرام مرتفع بنسبة عالية في جسمه ..


في كل جبهة طفل في ** منطقتهم ** تلقى له أثر وتوقيع ..


يمثل القائد .. يهابونه الاطفال ..


يتقرب منه الكبار ويتوددون له حفاظاً على سلامة اطفالهم ..



بصراحه .. اي الانواع كنتم



يللااااااااااااااا طلعوا الفضايح ،،



بانتـــــــــــــــتظاركم.......

[إحساسي يكفيني]

<<<<وشذا طلعت اول وحدة


والله ماودي اطلع فضايحي ابصبر شوي الين تجي فضايح الباقين.

//

الشيهان

تسسسسسلم على الموضوع الفلة.

[عبدالله التميمي]

والله يالشيهان ما هقيته منك تدور الفضايح

بس انا آخذ على نفسي عهد ما ادخل موضوع الا واكتب تعليقي قدر ما استطيع يالدب

بس اوريك انت حدد اي نوع (( انا حبوب ماما وفيني فلقه باقي اثرها في يسار الجبهه ))

وما اسوي الا اللي ابي ...

بعدين المفروض تكتب انت اول واحد علشان نفهم الطريقة ....!!!!

[غلاالقحطانية]

مشكور على هذا الموضوع


انا تتمثل طفولتي الرائعة في الرائعة

7




7




7




في.......


الطفل الهاديء

بس ماقد قالو اهلي اني قد ضعت<< اعتقد لاني كنت خوافة

[الشيهان]

احساسي يكفيني /
اقول معك حق في التروي شوي ومنتظرينك .

عبدالله هلا وغلا - الحقيقه خوفتني في البدايه لكن عقب الفلقه ابشر بصفتي .
انا كل انواع الحبابه فيني وماآخذ حقي حتى من اقرب الناس لي . ماكفى فلاق وبس في كسورمن الجيران وعيال الحاره حتى وانا كبير حياوي .

غلا القحطانيه /
شكرا لك ولوقوفك على المشاركه وستبقين رائعة بأنوثتك ومانتي بخوافه بالعكس ذكيه .

[عبدالله التميمي]

الشيهان

انا كل انواع (( الحبابه فيني )) وماآخذ (( حقي حتى من اقرب الناس لي)) . ماكفى فلاق وبس

في كسورمن الجيران وعيال الحاره حتى وانا كبير ((حياوي)) . قصدك تستحي


ههههههههههههههههه

ماشاء الله عليك حبوب والله ... فلوق وكسور في ألأقارب والجيران ... لا والله حبوب ههههههه

[وردة حمراء]

الطفل الفتّــان ::


تجد عند هذا النوع جميع اخبار المنزل ..


يجد المتعه في اذلال غيره بالفتنه عليه .. ماله خاتمه ..


هذا الطفل حتى لو شريت سكوته بفلوس ..


توقع تلقى اخبارك ثاني يوم في الصفحه الرئيسية .. في الجريدة الرسمية ..


لكن يوم كبرت .. عكس الطفووووله ..

مشكووور يالشيهان على الموضووع .

[الشيهان]

ورده حمراء /
حياك الله وبعودتك .
وفعلا كبرتي ولازم تغيرين وهناك العقلان يالطيبه .

[عبدالعزيزالمقحم]

انا كنت اتمنى اني من النوع : القوي او المادي بس للاسف ما صرت منهم

ما اقدر احدد لك لان ما فيه احد يعرف نفسه .. الناس هم اللي يوصفونه .. اسأل اللي أكبر مني عني

شكرا لك

[ملك المشاش]

عجبني الطفل العنيد

بس مو معناه اني كنت طفل عنيد

شكرا يالشيهان

[الشيهان]

انا كنت اتمنى اني من النوع : القوي او المادي بس للاسف ما صرت منهم

ما اقدر احدد لك لان ما فيه احد يعرف نفسه .. الناس هم اللي يوصفونه .. اسأل اللي أكبر مني عني

شكرا لك

عبدالعزيز /

تخيرلك صفه - لاتخليني اسأل عنك ويطلعون شي ماودك به .
وتجي بعدين تقولي مادريت انك تبي تسأل - عطناها من قريب .

( اتمنى اني من النوع : القوي او المادي بس للاسف ما صرت منهم - لا فيك منهم ملامح )

[الشيهان]

عجبني الطفل العنيد

بس مو معناه اني كنت طفل عنيد

شكرا يالشيهان

ملك المشاش /
قلي وش خانت التاج اللي فوق راسك - اكيد له معنى .
مشكورعلى الوقفه مع المشاركه .

[غزال المشاش]

كنت عنديه ومازلت عنديه مره

بس موب بهالشكل

بالعكس ابوي وامي اطيع كلامهم :)


تسلم ع ابداعك

[بنت دحيّم]

الطفل البريء :
في المنزل تجده حبوووب وطبيعي 100 %


لكن مع دخوله المدرسة .. ** تنمحي ** شخصيته ..


فتكثر الاصابات في وجهه .. لأنه مايدافع عن نفسه ..

+

بعض من صفات الهاديء :)


//


لكــن محد قد ضربني حمدلله لأني هاديه وغامضة شوي .. خخخخخ .. عشان كذا مايدرون وش وراي :p .. فيبعدون عني اريح :p .. والا يمكن احترامـ وهيبة <<= مايمديكم خخخ ,,
//

[الشيهان]

غزال المشاش /
كنت وما زلت - ححلوه - اكيد تعرفين حق الوالدين وعليك نور.

بنت دحيم مشرفتنا الكريمه /
عوده حميده ومن طول الغيبات جاب الغنايم . على بالي اكتب مشرف مفقود .
ان شاء الله المانع لخير .
هاديه وغمضه - بس ماسلمتي من نتف الشوش - وإلآلآلآ ؟؟؟؟

[ناصر]

والله اول حياتي تقول امي مابعد شفت ولد قد دلعوه اهله أكثر منك ومهوب ابوك وامك بس عماتك وخالاتك وجداتك مكوش على العائله كلها بس يوم كبرت شوي صرت هادئ ثمن يقول المميز اني معاندي ثمن يوم كبرت راح التدليع معاد لقيت احد يدلعني كل العئله ضدي ليش مدري ههههههههههه .

يس بكل سراحه خذت حقي واااااااافي . بس جاني حرب عائليه تصدقون اي بيت ادخله من عائلاتنا اطلع انا الشخص المجرم هههههههههههههههههه

[المميز]

أنا اتوقع أنه من الصعب أن تصدر حكما على نفسك فالصحيح أن تأخذه من الآخرين , لأنك سترى نفسك على أحسن الأخلاق و إن كنت ترى العكس فإنك تعاني من مشكلة ,, لا اقصد في الصغر بل عندما تدرك الصواب من الخطأ

فأنا اطلب من الذين يعرفوني و انا صغير يخبروني من أي الأطفال أنا >> أنتبهو يجي واحد يقول فيك وما فيك :)


-----------------------------------------

ناصر انا اشهد انك يومك صغير وانت احسن من الحين بمليون مرة حبيب و في المطوعة الحين حبيب بس فيك عناد لو توزعة على ديرة كفاها































لا تصدق عاد امزح معك :) من يعرفك ما يمكن يذمك