سالفة المقوله المشهوره منيب عــمتــن لاحــــد ////

[الشيهان]

السلام عليكم ورحمة الله وبركاته


عندي سالفه حليوه وقصيره السالفة عن .. مقوله يمكن بعضكم قد سمعها "منيب عمتن لاحد "


هذا يقولون يطوال العمار و وافين الاشبار

ان فيه رجال كان مسافر له فتره وغايب عن بيته

الرجال حن لعياله وكله الشوق

وقال ياولد خلني اعود لعييلي وام العيال <-------- الثمره هي الام

وقرب لبيته في وقت متأخر من الليل

وتدخل محرك الوله وتسبب برتكابه خطأ وهو انه يهجدهم في الليل

والا هو المفروض يمسي ويصبحهم ويخلي الطفاقه عنه بس الرجال شبت فيه الشفقه على ام العييل

يوم دخل لبيته نصى مرقد زوجته وفي اليل البارد لقى المريه متلفلفه في خلاقين الدنيا

خبركم ذيك الايام قل حال وحيله ولا هناك نور ولا يحزنون الناس على سرجن محق

المهم الرجال قط هديماته البايج الهايج جعله الطفقه اللي تولي بعزمه وحيله وجاب العيد

يوم دخل معها في الفريش الا المره مهيب على خبره ويوم تبين الا هي عمته .


صرخ عمتي عمتي عمتي هي عاد عجيز واختلفت وضاعت علومها وردت منيب عمتن لاحد منيب عمتن لاحد


ارجو اني ما اكون خدشت حياء هذا المكان ولكن هذا تراث وماسمعناه من شيبانا انا متأكد انه لن يكون له ضرر


ليس بالضروره النظر الى القصه انها حقيقيه ولكن تؤخذ من باب الطرفه لا اقل ولا اكثر ارجو ان لاتحمل اكثر من ما تحتمل


وارجو اني وفقت في النقل والمحافظه على بعض الألفاظ .

[القناص]

مشكور الشيهان

على هذه القصة والجميلة والمضحكة

والي نعرف ونسمع به انها خالته ام زوجته ويقول خاله قالت منيب خالة لاحد

نشكرك جزيل الشكر على هذا النشاط المميز

دمت بود وصحة لاآآآآآآآآآآآعدمناك

[المميز]

مشكور يا الشيهان على سعة الصدر اللي تعودناها منك

والله لا يطيحنا في مثل ذا المواقف :)

[الشيهان]

المشرف العزيز القناص /
القصه نقلتها عن الراويه محمد الشرهان من برنامج الخيمه الشعبيه .
شكرا لك / عمه والآ خاله / كلها توجع القلب .

المشرف الغالي المميز /
حياك ربي وهذا الكلام اللي يونس ( ضحكت سني / وتحب الوناسه .