يالعين صيري

[أغادير]

يالعين صيري دايم الدوم تبكين

للشاعر غازي بن عون

http://www.5ymah.net/home.php?index=download&kind=rm&n_id=907

[المميز]

معليش أغادير بس ماقدرت أشغله

[أغادير]

طيب

أعيده

يمكن يضبط

http://www.5ymah.net/rm/yaleyn.ram

[أغادير]

يالعين صيري دايم الدوم تبكين
على مدار أربع وعشرين ساعه
ارثي لعمر فات و انعيه يالعين
و ابكي على ما فاتنا من طماعه
اليوم كملتي من العمر خمسين
تلعبك اوهام الغرور ومتاعه
يا ما خدعنا الوقت بالمظهر الزين
و اليوم ياعيني عرفنا خداعه
ما ندري إن الوقت له باطن شين
الا بعد ما قام يسقط قناعه
و ان ما انتهزنا تالي العمر فالدين
ولا خسرنا ما لنا من بضاعه
باقي العمر في علم رب الثقلين
تماكني تاليه قبل انقشاعه
مع هجعه اوباش الملا لا تهجعين
احيي الدجا ذكر وتوسل وطاعه
اليا بقى ثلث ومضى منه ثلثين
وقت يربح باذرين الزراعه
لا ناموا اللي فالملذات لاهين
تضرعي لله باكف الضرعه
ويا الاذن في قول الخنا لا توحين
والذكر والنصح انصتي لاستماعه
اليا استمعتي للذكر و الصحيحين
يصير عنك ضد غيره مناعه
و يالرجل لوحيتي الندا لا توانين
اليا دعا داعي صلاة الجماعه
وياالنفس مع درب الهوى لا تميلين
بيعيه مثل اللي زهد به وباعه
الخمسة الاركان لازم تلبين
بتوحيد و اخلاص ويقين وقناعه
عسى بتال العمر ثقل الموازين
كود يتعوض ما مضى من ضياعه
سالين كنا دايم الدوم حيين
ولا دامت الدنيا لراع الشفاعه
والانبيا والاوليا والسلاطين
و اهل المروة والكرم و الشجاعه
العبد مهما عمر أحقاب وسنين
له ساعة فيه يطوي شراعه
يرحل وخلانه وربعه مقيمين
وتثير فرقا الشمل بعد اجتماعه
وصلوا على المبعوث جد الحسنين
ما نبت من نبت وما ازهر طلاعه

[فاكهة المشاش]

شكر اختي
***اغادير***
على ماتقدمينه شيء روعه

[ناصر]

الله قصيده حلوه ومشكوره على التفاعل وبين انك معجبه بها مره ولدليل كتبتيها كامله ويعطيك العافيه وشدي حيلك نبي قصايد غزل
وبعدين يامميز ازهله بجيك ان شاء الله مالك الا الي يظبط جهازك ويشغل كل المقاطع
13A0

[أغادير]

أهلا بكم

فراولة + ناصر

نورتوا

و أكيد القصيدة عاجبتني كثير

^_^