ألا واهني اللي من الحب ما يهتم

[الشاعر السامر]

حمد بن عبدالرحمن المغيولي رحمه الله : في هذه الرائعة (التي غناها سلامة العبدالله رحمه الله):

ألا واهني اللي من الحب ما يهتم = يطيب الزمان أو يختلف شين ما همّه
معافى زمانه لا يهوجس ولا يندم = يقضّي ليال شباط والقيظ عند أمّه
وأنا اللي عيوني تزعج الدمع دمعه دم = واخفّي جروح الروح والروح منسمّه
سبب جاهلٍ لاهوب يصخف ولا يرحم = لو إني من أقصى الناس وإلا ولد عمّه
ضربني وأنا مانيب طاغي ولا مجرم = أنا بالبخت يا هافي الوسط والذمّه
إلى صار دينك جايزٍ ذبحة المسلم = فالى حلّ ذبحي خل ذبحي على يمّه
ألا يا مربّي قذلةٍ تقل ذيل أدهم = من العنبر الغالي على البعد له شمّه
أبي شربةٍ تشفي غليلي من المبسم = إذا كان تسمح لي على مطلبي تمّه
صويب المودّه لو نجح دور ما يسلم = يسومل على همّه وهو ناشفٍ دمّه
ياليت الثريا ماعترض دونها المرزم = لما الكبد يطفي حرّها بارد الجمّه
حرام الهوى غيرك مع الناس ما يلزم = إلى صار غيري ما تلدّ النّظر يمّه

[الدخيني]

في البداااااية نشكر شاعرنا السااااامر على هالإيرااااد الجميل والغير مستغرب من سعااااادته ،،،،


ونزولا عند رغبة شاعرنا الكبير سيتم قفل هذا الموضوع ،،،،

وعلى دروب القصيد الجزل نلتقي ،،،،